"Efe spirtli içki aludəçisidir, o, yaxşı ata ola bilməz".
AZXEBER.COM Türkiyə mətbuatına istinadən xəbər verir ki, bu sözləri türkiyəli məşhur model Deniz Akkaya qızının atasıhaqda danışarkən deyib.
İstanbul Ailə Məhkəməsinə müraciət edən model keçmiş əri Efe Önbilginin spirtli içki aludəçisi olduğu üçün mədə qanaması əməliyyatı keçirdiyini, qızları A.Önbilginə qarşı maddi və mənəvi atalıq borcunu yerinə yetirə bilmədiyini iddia edib.
Məhkəməyə təqdim edilən vəsatətdə Efe Önbilginin spirtli içkiyə aludəçiliyi ilə əlaqədar mədə qanaması səbəbiylə əməliyyat olunduğu, qızları qarşısında atalıq borcunu maddi və mənəvi cəhətdən yerinə yetirə bilmədiyi bildirilib. Müraciəti dəyərləndirən məhkəmə yaxın günlərdə qərarını verəcək.
Xatırladaq ki, qısa zaman öncə Deniz Akkaya 16 yaşlı qızı A.Önbilginin telefonunu əlindən aldığı üçün zorakılığa məruz qaldığını və bu səbəbdən A.Önbilginin dövlət himayəsinə götürüldüyünü demişdi. Daha sonra ata Efe Önbilgin hərəkətə keçərək qızının vəlayətinin ona verilməsini tələb edərək məhkəməyə müraciət etmişdi.
Aysel
