Diqqət! Bakı 2020-ci il Olimpiya oyunlarına rəsmən namizəd oldu
GƏNCLİK
22:04 14.02.2012
2446
Bu gün İsveçrənin Lozanna şəhərində Beynəlxalq Olimpiya Komitəsində (BOK) “Bakı-2020” ərizə kitabının təqdimatı keçirilib. AZXEBER.COM-un məlumatına görə, Bakı BOK-a öz ərizəsini təqdim etmiş dördüncü şəhər olub.Qeyd edək ki, Tokio və Dohanın təqdimatı dünən, Madridin isə bu gün səhər baş tutub. Fevralın 15-də ərizələrin verildiyi sonuncu gün İstanbul da öz kitabını təqdim edəcək.Azərbaycanı Lozannada gənclər və idman naziri Azad Rəhimov, ictimaiyyətlə əlaqələr üzrə rəhbər, AFFA-nın Baş katibi Elxan Məmmədov, Azərbaycanın İsveçrədəki səfiri Murad Nəcəfbəyli, olimpiya çempionu Zemfira Meftahəddinova, paralimpiya çempionu İlham Zəkiyev, həmçinin “Bakı-2020” Təşkilat komitəsinin icraçı direktoru Könül Nurullayeva təmsil edib. “Bu Bakı və bütün Azərbaycan üçün çox mühüm bir gündür, - Könüll Nurullayeva deyir. – Bizim Ərizə kitabımız 2016-cı il Olimpiadasına iddia etdiyimiz zaman hazırlanmış kitabdan xeyli fərqlənir. Biz lazımi nəticə çıxarmışıq. Bundan başqa, ötən dövr ərzində Bakı və bütün Azərbaycan daha da inkişaf edib. 2020-ci il Olimpiadasının Azərbaycanda keçirilməsi bütün dünyadan olan bir çox insanların ölkəmiz haqqında daha çox öyrənməsinə imkan verəcək və bütün region üçün çox mühüm bir hadisə olacaq”.“Bakı dünyanın açılmamış sirrlərindən biridir – deyə, Azad Rəhimov bəyan edib. – Şəhərimizin gözəlliyi və sakinlərinin mehribanlığı onun qonaqlarında həmişə xoş təəccüb hissləri doğurur. Bakı tarixilik və müasirliyin möhtəşəm vəhdətidir. Bizim olimpiya ərizəmiz Bakının onun otelləri, muzeyləri, memarlıq abidələri və bir çox başqa gözəllikləri ilə dünya miqyaslı şəhərə çevrilməsi prosesinin bir hissəsidir. Olimpiya hərəkatı ilə birlikdə ictimai və iqtisadi həyatda, infrastruktur məsələsində müsbət dəyişikliklər prosesini sürətləndirə bilərik”.
