"Elza mənə qarşı bir səhv eləmişdi. Onu da özü boynuna aldı, dedi ki, səhv etmişəm".
AZXEBER.COM xəbər verir ki, bu sözləri Xalq artisti Nazpəri Dostəliyeva "Rəngarəng səhər" verilişində qonaq olarkən deyib.
O, Elza Seyidcahanın onun evinə gələrək səhvini etiraf etdiyini bildirib:
"Elza mənə qarşı bir səhv eləmişdi. Onu da özü boynuna aldı. Bizə gəldi, təsdiq elədi ki, yalnış söz dedim. Çünki bu aydın məsələdir ki, onun dediyi o ifadələr yalnış idi. Gördünüz ki, ona cavab da vermədim, susdum və getdim. İndi münasibətimiz var, hər şey yolundadır".
Xatırladaq ki, "Azərbaycanın səsi" musiqi yarışmasında iki sənətçi arasında qalmaqal yaşanmışdı. Yarışmada ifa edən iştirakçılara fikir bildirən münsiflər arasında yaranan fikir ayrılığı sonradan mübahisəyə çevrilmişdi. "Kimin nə olduğunu hamı bilir. Bura özümüzdən danışmağa gəlməmişik, xahiş edirəm, tamaşaçıya hörmətlə yanaşaq” deyən N. Dostəliyevaya Elza Seyidcahan sərt cavab verib. O, "Mənim birinci tələbəm məhz sizsiniz, Nazpəri xanım. Hətta sizə iki mahnı da vermişəm, amma siz mənə pul verməmisiz. Yanımda bahalı hədiyyələr almısız, lakin mənə oxuduğunuz mahnının müqabilində bir qəpik də verməmisiz" cavabını vermişdi. Nazpərixanım isə Elzanın sözlərinə kinayəli şəkildə gülüb və "burada bazar söhbətləri gedir”, - deyərək efiri tərk etmişdi.
Aysel
