Erməni müğənni Davo Abaransi oğlunun toyunda Azərbaycanın məşhur "Muleyli” xalq mahnısını səsləndirərək diqqətləri üzərinə çəkib.
AZXEBER.COM xəbər verir ki, sosial şəbəkələrdə yayılan görüntülər qısa müddətdə geniş rezonans doğurub.
Toy məclisində Azərbaycan musiqisinin səsləndirilməsi izləyicilər arasında müxtəlif reaksiyalara səbəb olub.
Kadrlarda Davo Abaransinin mahnını həvəslə ifa etdiyi, qonaqların isə ona qoşulduğu görünür.
Qeyd edək ki, "Muleyli” Azərbaycan xalq musiqisinin ən tanınmış nümunələrindən biridir. Uzun illərdir toy məclislərində, şənliklərdə və müxtəlif musiqi proqramlarında səsləndirilən bu mahnı öz oynaq ritmi və yadda qalan melodiyası ilə seçilir.
Azərbaycan musiqi mədəniyyətinin ayrılmaz hissəsinə çevrilən "Muleyli” ölkə sərhədlərini aşaraq regionun müxtəlif xalqları arasında da məşhurluq qazanıb. Mahnı bu gün də müxtəlif ifaçılar tərəfindən səsləndirilir və dinləyicilər tərəfindən böyük maraqla qarşılanır.
Həmin görüntüləri təqdim edirik:
Aysel
