Ermənistan baş nazirinin keçmiş müşaviri pedofil çıxdı
MARAQLI
16:58 19.11.2011
1852
Ermənistanın Lori vilayətinin məhkəməsi bu ölkənin baş nazirinin keçmiş müşaviri Serob Ter-Poqosyanın uşaqbazlıqla məşğul olduğunu sübut edərək, ona 15 il iş kəsib. ANS PRESS-in Ermənistan mətbuatına istinadən verdiyi məlumata görə, Axtala dağ-mədən kombinatının baş direktoru olan 69 yaşlı Serob Ter-Poqosyan 2004-2010-cu illər arasında 10-dan çox azyaşlı oğlan uşağını zorlayaraq öz tərəfdaşına çevirib. Orientasiyaca homoseksual olan Ter-Poqosyan öz qurbanlarını ya Ermənistanın Axtala şəhərinin yoxsul ailələrindən seçir, ya da yetim uşaqlara göz dikirmiş. O, xeyriyyəçilik adı altında gözü tutduğu uşaqların ailəsinə yaxınlaşır və uşaqlarını onun təşkil etdiyi idman dərnəyinə dəvət edirmiş. Film nümayişləri, foto çəkilişlər vasitəsi ilə ən zəif xarakterliləri seçir və onlara birinci görüş üçün 100 min dram (təxminən 360 ABŞ dolları) təklif edirmiş. Uşağın ailəsinin də dolayısı ilə bundan xəbəri olurmuş. Təbii ki, əyalət ailələrinin aylıq gəlirinin 50 dollar ətrafında dəyişdiyi, əhalisi yoxsulluq girdabında boğulan Ermənistanın sakinlərinin buna niyə razılaşdığı aydındır. Əlqərəz, 1942-ci ildə İraqın Mosul şəhərində anadan olmuş, yerli erməni məktəbini bitirdikdən sonra Mançester Universitetində bakalavrlıq, Sietl Universistetində isə magistrlik oxumuş Serob Ter-Poqosyan 1996-cı ildə Ermənistan baş nazirinin müşaviri postuna yiyələnir. Daha sonra isə vəzifəsində göstərdiyi “xidmətlərə” görə mükafatlandırılır və ölkənin şimalında yerləşən Axtala dağ-mədən kombinatına yiyələnir. Serob Ter-Poqosyanın İrəvanda və Ermənistanın başqa şəhərlərində azyaşlı oğlan uşağı olan neçə belə ailəyə "xeyriyyəçilik" etdiyi bəlli deyil, amma 2004-cü ildən yerləşdiyi Axtalada 10 oğlan uşağının həyatını korladığı artıq sübut olunub. Əslində Serob Ter-Poqosyan bir az da "əliaçıq" olsaydı, oğlunu onun yatağına soxmuş "erməni kişiləri"ndən birinin tələb etdiyi iri məbləğədə pulu ödəsəydi, başına bunlar da gəlməzdi. Oğlunu onun yatağına soxmuş 25 yaşlı Axtala sakini bir gün Serob Ter-Petrosyanın yanına gəlib, ondan 30 min dollar istəyir, əks halda oğlunun çəkdiyi gizli kamera yazısını polisə təqdim edəcəyini söyləyir. İşini ehtiyatlı tutduğunu düşünən "erməni xeyriyyəçisi" isə pulu verməkdən imtina edir və belə bir lenti kimsənin çəkə bilməyəcəyini söyləyir. Ter-Poqosyanın xəsisliyinə qəzəblənmiş erməni ata əsəbiləşərək polisə müraciət edib və işin üstü açılıb. Yoxsa Serob Ter-Poqosyan hələ çox erməni ailəsinə "xeyriyyəçilik" edərdi.
