Ermənistan müxalifətinin yaratdığı "Vətənin xilası uğrunda hərəkatı”nın nümayəndələri dövlət başçısının təşəbbüsü ilə Silahlı Qüvvələrin Baş Qərargah rəisi Onik Qasparyanın vəzifəsindən azad edilməsi barədə baş nazir Nikol Paşinyanın fərmanını müzakirə etmək üçün Ermənistan prezidenti Armen Sarkisyanla növbəti görüş keçirəcəklər.
Bunu müxalifətin rəsmi nümayəndəsi İşhan Saqatelyan bildirib.
Qeyd edək ki, Ermənistan prezidenti Armen Sarkisyan Silahlı Qüvvələrin Baş Qərargahının rəisi Onik Qasparyanın vəzifəsindən azad edilməsi barədə baş nazir Nikol Paşinyanın təqdimatı ilə bağlı Konstitusiya Məhkəməsinə müraciət edib.
Bildirilib ki, Armen Sarkisyan martın 2-də Konstitusiya Məhkəməsinə müraciətində məhkəmə 2018-ci ildə "Hərbi xidmət və hərbi qulluqçuların statusu haqqında” qəbul edilmiş qanuna, Əsas Qanuna dəyişikliyə nəzər yetirməsini xahiş edib.
///Report
