Ermənistanda övladları sülh şərtləri çərçivəsində orduda ölən analar hökumət binası qarşısında etiraz aksiyası keçiriblər.
"Armenia Today" saytı xəbər verir ki, valideynlərdən biri deyib ki, 5 il bundan öncə oğlu orduda dünyasını dəyişib. Ona rəsmi şəkildə bildirilib ki, oğlu elektrik cərəyanı vurmasından ölüb. Lakin 5 ildən sonra istintaq komitəsi yeni qərar çıxarıb. Qərarda bildirilir ki, həmin əsgər cərəyan vurmadan dünyasını dəyişməyib. Düz 5 il sonra, 2011-ci ilin 29 noyabr tarixində həmin qadına oğlunun dəşhətli ölümünün şəkilləri təqdim olunub: “Bu gün ilk dəfə deyirəm ki, oğlumun hətta dırnaqlarını belə çıxarıblar. Nəyə görə? Mənim uşağım sizə nə etmişdi? Bu gün müdafiə naziri, generallar, çaqqallar əsgərlərə əzab verdiklərinə görə, onları qul kimi saxladıqlarına görə cavab verməlidir”.
