Gələn ilin mayında Bakıda keçiriləcək "Eurovision-2012" mahnı yarışması ilə bağlı promo-video çarxların çəkilişləri üçün ilkin addım atılıb.
AZXEBER.COM-un İctimai Televiziya və Radio Yayımları Şirkətinin rəsmi saytına istinadən verdiyi məlumata görə, "Eurovision-2012" İşçi qrupu bu prosesi həyata keçirmək üçün elan verib.
Azərbaycanı "Eurovision" mahnı müsabiqəsinin promo-video çarxlarında təmsil etmək istəyənlər üçün yaş məhdudiyyəti yoxdur. Bunun üçün namizəd şəklini və özü haqqında məlumatı "Eurovision-2012" İşçi qrupuna göndərməlidir.Müraciət etmək istəyənlər bununla bağlı "Eurovision Song Contes Baku-2012"nin "Facebook" sosial şəbəkəsindəki rəsmi səhifəsindən məlumat ala bilərlər. Səhifənin ünvanı: https://www.facebook.com/pages/Eurovision-Song-Contest-Baku-2012/210645055685228.
"Eurovision 2012" mahnı müsabiqəsinin yarımfinal mərhələləri gələn il mayın 22 və 24-də, finalı isə mayın 26-da Bakıda keçiriləcək.
