"Facebook" istifadəçiləri İlham Əliyevə alternativ görmür (FOTO)
Bütün Xəbərlər
23:57 23.11.2011
3457
“Facebook” sosial şəbəkəsində Azərbaycan dilli ən böyük səhifə olan “Azərbaycan” səhifəsi sorğu keçirib. 114 minlik səhifənin rəhbəri Cavid Bəhruzun AZXEBER.COM-a verdiyi məlumata görə, sorğu “Bu gün prezident seçkiləri olsa kimə səs verərdiniz?” sualının ətrafında olub. Sorğuda 7 minə yaxın insan iştirak edib. Sorğunun qalibi Azərbaycanın hazırki prezidenti İlham Əliyev olub, 4286 nəfər prezidentin lehinə səs verib. 1428 nəfər isə “Bu gün prezident seçkiləri olsa heç kimə səs vermərəm” deyib. Sorğuda 3-cü yeri AXCP sədri Əli Kərimli, 4-cü yeri isə Müsavat başqanı İsa Qəmbər tutub. Maraqlıdır ki, ana müxalifət sayılan partiyalara müvafiq olaraq 379 və 316 nəfər inanır. Sorğuda sonuncu yer isə cəmi 62 səslə Sabir Rüstəmxanlı olub. Xatırladaq ki, Azərbaycan səhifəsi ölkədə baş vuran aktual məsələlərlə bağlı tez-tez sorğular keçirib, istifadəçilərin fikrini öyrənir.
