"Facebook" sosial şəbəkəsi aparıcı, prodüser Tarix Əliyevin rəsmi səhifəsini bağlayıb.
AZXEBER.COM xəbər verir ki, bu haqda aparıcı özü məlumat verib.
Onun sözlərinə görə buna səbəb, Xankəndidə olarkən "Bizim dağlar" abidəsi önündə çəkilən fotosunu ermənilərin şikayət etməsi olub:
"Şuşada iki dəfə olmuşam. Amma Xankəndinə ilk dəfə idi ki, gedirdim. Hamı kimi orada olan məşhur abidənin önündə şəkil çəkdirmişəm. "Facebook" mənim 10 illik rəsmi təsdiqlənmiş səhifəmi buna görə bağlayıb. Səbəb də odur ki, ermənilər şikayət edib. Bunu görən kimi "Facebook"a məktub yazdım və bildirdim ki, mən qanun pozuntusu etməmişəm. Niyə bağlanıb? Demək olar ki, 3 gün ərzində heç bir cavab verilmədi. Düşünürəm ki, lazımlı idarələr ora məktub yazmalıdır, ermənilərin yalançı şikayətlərinə görə bizim səhifələr bağlanmamalıdı. Xaricdə yaşayan ermənilər demək ki, bizim məşhurların səhifələrini şikayət edib bağlada bilirlər. Bu nəinki "Facebook"da, "Vikipediya"da da keçərlidir. Amerikada oturub vikipediyaya moderatorluq edən ermənilər, bizim azərbaycanlı məşhurların ingilis dilində olan məlumatlarının açılmasına icazə vermirlər. Buna görə də düşünürəm ki, aidiyyatı qurumlar istər "Facebook", istərsə də "Vikipediya"ya məlumat verməlidir ki, Qarabağ Azərbaycandır. Ora gedən turistlərin və məşhur simaların şəkilləri silinib, səhifələri bağlanmamalıdır".
Aysel
