Futbol oyununda 55:0 hesabı

İDMAN
21:17 27.11.2010
8997

Böyük Britaniya futbolunda fantastik hesab qeydə alınıb. “İlloqan” və “Medron” komandalarının görüşündə qapılara nə az, nə çox, düz 55 qol vurulub. Maraqlıdır ki, bütün toplar bir komandanın adına yazılıb. Orta hesabla, hər yüz saniyədə bir qol qeydə alınan görüşdə “İlloqan” futbolçuları ilk hissədə 24 dəfə fərqləniblər.

Fasilədən sonra daha 31 qol vuran meydan sahiblərinin heyətində Lük Ebbot-Smit 10 dəfə adını tabloya yazdırıb. Qaret Pitt 8, Lük Heklan 7, üç oyunçu isə 6 qol vurub. Komandanın belə hesabla məğlub olmasına səbəb meydana çıxardığı oyunçuların əksəriyyətinin futbolçu olmamasıdır. Qapıçısı ümumiyyətlə olmayan “Medron” son 10 oyunda 205 top buraxıb. Klubun baş katibi Alan Devenport isə gəcələyə nikbin baxdığını söyləyib.Yeri gəlmişkən, 55:0 tarixin ən böyük hesabı deyil. 2002-ci ildə Madaqaskar klubları – “Adema” və “Olimpik” oyununda birincilər 149:0 hesablı qələbə qazanmışdılar. //anspress

 


OXŞAR XƏBƏRLƏR