Xəbər verdiyimiz kimi, mini futbol üzrə Azərbaycan milli komandası dünya çempionu olub.
Final matçında Azərbaycan Macarıstanı 4:2 hesabı ilə məğlub edib. Millinin heyətində fərqlənənlərdən biri də Təmkin Xəlilzadə olub.
Təmkin Xəlilzadənin adı Azərbaycan futbol həvəskarları üçün də çox doğmadır. O vaxtilə Azərbaycan futbolunun ən perspektivli futbolçusu hesab edilirdi.
AZXEBER.COM mövzunun aktuallağını nəzərə alaraq Təmkinin dosyesini təqdim edir:
Təmkin Xəlilzadə 6 avqust 1993-cü ildə anadan olub. O kiçik yaşlardan futbolla məşğul olub. İlk rəsmi matçına 2012-ci ildə Qarabağ-Xəzər Lənkəran oyunu ilə başlanğlc verib. Daha sonra "Azal", "Qəbələ" "Sabah" kimi klublarda çıxış edən futbolçu sonra "Zirə FK"-da çıxış edib. 2022-ci ilin sonunda "Zirə" onunla yollarını ayırıb.
2022-ci ildə "Zirə" ilə müqaviləsi başa çatan T.Xəlilzadə 1 il klubsuz qaldıqdan sonra 2023-cü ildə II Liqa təmsilçisi "Füzuli" klubu ilə anlaşıb. Müqaviləyə görə Xəlilzadə yalnız oyundan-oyuna yeni kollektivinin düşərgəsinə qoşulmalı və forma geyinəcəyi hər qarşılaşmaya görə 200 manat maaş alacaqdı.
Təmkin milli komandanın üzvü olub. Seçmə mərhələdə Xorvatiyanın qapısına vurduğu qol mərhələnin ən gözəl qolu seçkilib. Təmkin ümumilikdə millidə 17 matça çıxıb və 3 qol vurub.
Təmkin daha sonra karyerasını minifutbolda davam etdirib. O 2024-cü ildə "Birbaşa Bakı” minifutbol komandası ilə Çempionlar Liqasının qalibi olub. Eyni zamanda turnirin ən yaxşı oyunçu mükafatına layiq görülüb. Ardınca isə Təmkin Azərbaycan yığması ilə dünya çempionu olub. O final matçında Macarıstana qol vurmaqla yığmamıza qələbə qazandırıb.
Təmkinin finalda vurduğu qollar:
Təmkinin Xorvatiyaya vurduğu qol:
