Meydanda dalğalanacaq bayrağın hündürlüyü 70 metr olacaq
Gəncənin Bakı istiqamətindən girişində yeni bayraq meydanının inşasına başlanılıb. Şəhərdə sayca üçüncü olacaq meydanda dalğalanacaq bayrağın hündürlüyü 70 metr nəzərdə tutulub. Gəncə mənzil-kommunal istehsalat birliyinin rəisi Elgün Məmmədov AzərTAc-a bildirib ki, yeni bayraq meydanı həmin ərazidə inşa edilən qala kompleksini tamamlayacaq. Şəhərə 7 kilometr qalmış magistral yolun hər iki tərəfində Gəncənin qədim qala divarları, eləcə də dahi Azərbaycan şairi Nizami Gəncəvinin əsərlərini əks etdirən heykəltəraşlıq nümunələri yaradılır.
