İlkər Başbuğ məhkəmədə ifadə verib
AZXEBER.COM-un TRT-yə istinadən verdiyi xəbərə görə, Türkiyə Silahlı Qüvvələri Baş Qərargahının keçmiş rəisi, istefada olan general İlkər Başbuğ hökumət əleyhinə qara piar aparmaq məqsədilə yaradılan internet saytlarıyla bağlı məhkəmə prosesində ifadə verib.
İlkər Başbuğ bir Baş Qərargah rəisinin belə iddialarla ittiham olunmasının komediya olduğunu deyib. Sabiq Baş Qərargah rəisi hazırlanan ittiham aktına etibar etmədiyini deyib: "Mənə terror təşkilatı rəhbəri deyənlərə təəccüblənərəm. Bu ittiham heç vaxt şəxsi ittiham kimi qəbul edilə bilməz. Bu ittiham mənim üzərimdən Türk Silahlı Qüvvələrinə də yönəldilən ağır bir ittihamdır".
Başbuğ özünü müdafiə etməyəcəyini və heç bir suala cavab verməyəcəyini söyləyib.
