Elşad Abdullayevlə seçki müzakirərələrini əks etdirən video görüntülərinə görə deputat mandatını itirən Gülər Əhmədova son günlər barəsində yayılan məlumatlarla bağlı açıqlama verib.
Sabiq deputat mediada ayrı-ayrı adamların ona qarşı mənəvi terror kampaniyası apardığını bildib: “Mənim buna görə sağlıq durumumda ciddi fəsadlar yaranıb. Mənə və ailəmə qarşı aparılan kampaniya həm də qeyri-etik formada olub. Hər gün həkim nəzarətindəyəm. Ürək və beyin qan dövranının pozulması problemim var. Hər gün demək olar ki, bir böhtanla qarşılaşıram”. Ölkəni tərk etmək istəyi barədə yayılan məlumatlara gəlincə, sabiq deputat bunu təkzib edib: “Mən istintaqla bağlı Baş Prokurorluğun açıqlamalarından kənar bir söz deməyəcəcəym”. G.Əhmədova sonda onu da bildirib ki, bəzi media orqanlarında ona yaxın insanların adından da yalan məlumatlar yayılır. /moderator.az/
