Martın 19-20-də Bakıda Eurovision Mahnı Müsabiqəsi 2012-də iştirak edəcək 42 ölkənin nümayəndə heyətlərinin rəhbərlərinin görüşü keçirildi.
AZXEBER.COM-un müsabiqənin rəsmi saytına istinadən verdiyi xəbərə görə, bu, may ayındakı şou ərəfəsində Eurovision ailəsinin ilk geniş toplantısı idi. İclasda Eurovision Mahnı Müsabiqəsinə hazırlıqlar müzakirə edildi. Eurovision 2012-yə ev sahibliyi edən Bakıya - onun arxitekturasına, sakinlərin qonaqpərvərliyinə, fərqli şouya hazırlıqlara heyran olan qonaqlar hamını may ayında paytaxtımıza səsləyir.
