"Azərbaycan Respublikası Hökuməti ilə Uqanda Respublikası Hökuməti arasında diplomatik və xidməti pasport sahiblərinin viza tələblərindən azad edilməsi haqqında Saziş” təsdiq edilib.
AZXEBER.COM xəbər verir ki, bununla bağlı Prezident İlham Əliyev müvafiq Qanunu təsdiqləyib.
Qanuna əsasən, 2025-ci il oktyabrın 15-də Kampala şəhərində imzalanmış "Azərbaycan Respublikası Hökuməti ilə Uqanda Respublikası Hökuməti arasında diplomatik və xidməti pasport sahiblərinin viza tələblərindən azad edilməsi haqqında Saziş” təsdiq edilib.
Həmçinin dövlət başçısının imzaladığı digər Qanuna əsasən, "Azərbaycan Respublikası Hökuməti ilə Somali Federativ Respublikası Hökuməti arasında diplomatik pasport sahiblərinin vizadan qarşılıqlı azad edilməsi haqqında Saziş” təsdiq edilib.
Sözügedən saziş də 2025-ci il oktyabrın 15-də Kampala şəhərində imzalanmışdı.
