"Turan” voleybol klubunun prezidenti Həsən Zeynalov Ehtiram Quliyevin yerinə namizəd olub-olmaması ilə bağlı ünvanlanan suala münasibət bildirib.
AZXEBER.COM xəbər verir ki, o qeyd edib ki, vəzifəyə Ehtiram Quliyevin dəvəti ilə gəlib:
"Bürokratik baxımdan belə görünə bilər ki, sədr gedirsə, onun müavini yerində qalır. Amma burada bəzi məqamlar nəzərdən qaçırılır. Mən bu vəzifəyə Ehtiram müəllim tərəfindən təyin olunmuşam. Mövsüm başa çatdıqdan sonra o, məni bu vəzifəyə dəvət edib. Hamı elə düşünür ki, sponsor gəldiyi üçün mən təyin olunmuşam. Xeyr, mən gələndə hələ sponsor yox idi. Sponsor sonradan gəlib. Mən bura məhz Ehtiram müəllimə görə gəlmişəm”.
Həsən Zeynalov Ehtiram Quliyevin yerinə keçəcəyi ilə bağlı iddialara cavab verib:
"Ehtiram müəllim nə qədər oradadırsa, biz də oradayıq. Ehtiram müəllim orada yoxdursa, biz də yoxuq”.
Şahanə Ziyad
