3 oğul anası olan Turanə deyir ki, indi ağır xəsarətləri var, bir gözü görmür. Adətən həyat yoldaşı onu döyməyə başlayanda, ta ki uşaqları gəlib aralayandək dayanmayıb.
Onun sözlərinə görə, həyat yoldaşından ayırlmaq istəyib atası evinə gedəndə, valideynləri onu ancaq uşaqsız qəbul edə biləcəklərini deyiblər. Elə ona görə də 14 il fiziki və psixoloiji zorakılığa dözməyə məcbur qalıb.
Turanə deyir ki, 8-ci sinifədək oxuyub, sonra isə atası onu oxumağa qoymayıb. 2 gün əvvəl şiddətli şəkildə həyat yoldaşı tərəfindən döyüldükdən sonra hər 3 uşağını götürüb "Təmiz Dünya" Qadınlara Yardım İctimai Birliyinə sığınıb.
İki gün öncə həyat yoldaşı tərəfindən şiddətə məruz qaldığı üçün uşaqları ilə birlikdə sığınacağa yerləşdiirlən qadının əri artıq polis əməkdaşları tərəfindən saxlanılıb.
