Hollandiya məhkəməsi Hollandiya Yəhudi Şurasının amerikalı reper Kanye Westin ölkədə keçirilməsi planlaşdırılan konsertlərinin ləğv olunması ilə bağlı müraciətini təmin etməyib.
AZXEBER.COM xəbər verir ki, məlumata görə, şura sənətçinin 6 və 8 iyun tarixlərində baş tutması nəzərdə tutulan çıxışlarının dayandırılması üçün məhkəməyə müraciət edib.
Lakin məhkəmə təqdim olunan arqumentləri yetərli hesab etməyərək iddianı rədd edib.
Qərardan sonra Kanye Westin konsertlərinin planlaşdırıldığı kimi keçirilməsinə hüquqi maneə qalmayıb.
Qeyd edək ki, reper son illərdə səsləndirdiyi bəzi fikirlərə görə müxtəlif mübahisələrin və ictimai tənqidlərin mərkəzində olub. Buna baxmayaraq, məhkəmə konsertlərin ləğvi üçün hüquqi əsasların mövcud olmadığı qənaətinə gəlib.
Aysel
