AZXEBER.COM tanınmış şairin həyat və yaradıcılığı ilə bağlı dosyeni təqdim edir.
Çingiz Əlioğlu 1944-cü il iyunun 29-da Füzuli şəhərində anadan olub. O, Azərbaycan ədəbiyyatında şair, tərcüməçi və publisist kimi özünəməxsus iz qoyub.
Ədəbi yaradıcılığa 1967-ci ildə "Gənc qələmlər” toplusunda dərc olunan "Xatirələr” şeiri ilə başlayıb. Sonrakı illərdə poeziya ilə yanaşı, hekayə, tərcümə və publisistika sahəsində də fəaliyyət göstərib.
Çingiz Əlioğlu əmək fəaliyyətinə "Gənclik” nəşriyyatında redaktor kimi başlayıb. Müxtəlif illərdə böyük redaktor, redaksiya müdiri, Azərbaycan Dövlət Nəşriyyatında baş redaktor, eləcə də Mətbuat və İnformasiya Nazirliyində Nəşriyyatlar İdarəsinin rəisi vəzifələrində çalışıb.
Şairin əsərləri bir sıra xarici dillərə tərcümə olunub. O, beynəlxalq ədəbi tədbirlərdə Azərbaycanı təmsil edib, ölkə ədəbiyyatının, xüsusilə poeziyanın inkişafına mühüm töhfələr verib.
Çingiz Əlioğlu həmçinin Vətəndaş Həmrəyliyi Partiyasının ilk qurucularından, Azərbaycan Yazıçılar Birliyinin və Beynəlxalq "Kalevala” cəmiyyətinin üzvü olub.
82 yaşında vəfat edən şairin cənazəsinin sabah dəfn ediləcəyi bildirilib.
