iPhone 16 modelləri ilə bağlı yeni iddialar gəlməyə davam edib.
AZXEBER.COM xarici mediaya istinadən xəbər verir ki, indi bu modelin RAM tutumları üzə çıxıb.
Əldə edilən məlumata görə, Apple mühəndisləri dizaynda çox dəyişiklik etməyəcəklər.
Əsas fərqlərin kamera obyektivlərinin düzülüşü və düymə dizaynlarında olacağı gözlənilir.
Texnologiya analitiki Jeff Pu-nun paylaşdığı məlumata görə, Apple-ın 2024-cü il iPhone modellərində istifadə edəcəyi operativ yaddaş tutumları müəyyənləşib.
iPhone 16 və iPhone 16 Plus, keçən ilki Pro modelləri ilə eyni RAM-a sahib olacaq.
İddiaya görə, iPhone 16 və iPhone 16 Plus modelləri 8 GB RAM istifadə edəcək. iPhone 15 və iPhone 15 Plus 6 GB RAM ilə satışda olub.
iPhone 15 və iPhone 16 RAM tutumları
iPhone 15: 6 GB RAM
iPhone 15 Plus: 6 GB RAM
iPhone 15 Pro: 8 GB RAM
iPhone 15 Pro Max: 8 GB RAM
iPhone 16: 8 GB RAM
iPhone 16 Plus: 8 GB RAM
iPhone 16 Pro: 8 GB RAM
iPhone 16 Pro Max: 8 GB RAM
iPhone 16 və iPhone 16 Plus-da 6 GHz diapazonu ilə işləyən daha yüksək simsiz sürət təmin edən modemlərdən istifadə edildiyi deyilir.
Bu xüsusiyyətləri təmin edən Wi-Fi 6E texnologiyası yalnız iPhone 15 Pro və Pro Max modellərində istifadə edilib.
Bununla belə, bütün iPhone 16 modellərinin Wi-Fi 6E-ni dəstəkləyən modemlərdən istifadə edəcəyi bildirilir.
Bu il satışa çıxaracağı iPhone modellərində uzun illərdir dəyişməz qalan ekran ölçülərində əhəmiyyətli dəyişiklik etməyi planlaşdıran Apple-ın iPhone 16 Pro seriyasında ekran ölçülərini bir az da artıracağı iddia edilir.
Şayiələrə görə, iPhone 16 Pro seriyası 6,7 və 6,9 düymlük ekran ölçülərinə sahib olacaq.
Mikayıl
