İran parlamentinin sədri və danışıqlar heyətinin rəhbəri Məhəmməd Baqir Qalibaf ABŞ-ni Hörmüz boğazına mümkün müdaxiləsinə imkan verməyəcəklərini bəyan edib.
AZXEBER.COM xəbər verir ki, bu barədə İran parlamenti sədrinin rəsmi "Telegram" hesabında məlumat yayılıb.
Bildirilib ki, Qalibaf Tehranda İranın ali dini lideri Əli Xameneinin şərəfinə təşkil olunan dövlət mərasiminə qatılan Çin nümayəndə heyəti ilə görüş keçirib.
Görüş zamanı o, İran və Çin arasında strateji əməkdaşlığın daha da gücləndirilməsinin vacibliyini vurğulayıb. Qalibaf qeyd edib ki, Çin çətin dövrlərdə İranın yanında olub, İran isə müharibə və atəşkəs dövründə Hörmüz boğazından keçən Çin gəmilərinə dəstək göstərib.
O, ABŞ-ni birtərəfli siyasəti fonunda Tehran və Pekin arasında siyasi və iqtisadi əlaqələrin inkişafının xüsusi əhəmiyyət daşıdığını bildirib.
Qalibaf, həmçinin Hörmüz boğazının idarə olunması məsələsində qəti mövqe nümayiş etdirərək, "ABŞ-nin Hörmüz boğazına hər hansı müdaxiləsinə icazə verməyəcəyik", - deyə vurğulayıb.
İran parlamentinin sədri əlavə edib ki, İsrail İranla ABŞ arasında əldə olunan razılaşmanı pozmağa çalışır. Onun sözlərinə görə, İranın hərbi gücü mümkün təhdidlərin qarşısını almaq üçün çəkindirici xarakter daşıyır.
Gülay
