İranın Hörmüzqan əyalətinin inzibati mərkəzi Bəndər Abbas şəhərində balıqçı körpüsündə baş verən yanğında 10-dan çox qayıq yanıb.
AZXEBER.COM Türkiyə mediasına istinadən xəbər verir ki, bu barədə İranın rəsmi xəbər agentliyi İRNA məlumat yayıb.
Yanğın nəticəsində 10-dan çox qayığın yandığı, yayılmaqda davam edən yanğına müdaxilənin davam etdiyi bildirilib.
Hörmüzqan Balıqçılıq Müdirliyinin məlumatlarına görə, Parsiyan rayonunda balıq ovu üçün vacib olan estakadada təxminən 70 qayıq işləyir.
Son zamanlar İranın mühüm mərkəzlərində yanğınlar baş verir. Yanğınların bəziləri texniki nasazlıq və ya səhlənkarlıq səbəbindən baş versə də, İran hakimiyyəti bəzi yanğınlarda təxribat törətmək imkanını nəzərdən keçirir.
Qeyd edək ki, aprelin 26-da günorta saatlarında İranın cənubunda Fars körfəzi sahilindəki Şəhid Rəcai limanında şiddətli partlayış baş verib. Partlayış nəticəsində onlarla insan həyatını itirib, 1000-dən çox insan yaralanıb.
Oksana
