“İrəli” Tarix Mərkəzi Şəkinin 2700 illiyi və Şəki Xan sarayının 250 illiyi ilə əlaqədar olaraq Şəki şəhərinə ekskursiya təşkil edib.AZXEBER.COM-un məlumatına görə, gənclər ilk olaraq Şəki Xan sarayı ilə tanış olub və sarayın inşa tarixi, memarlıq üslubu, tarixi haqqında məlumatlar əldə ediblər.Daha sonra Şəkidə yerləşən Yuxarı Karvansaray və Aşağı Karvansarayın tarixi və memarlıq üslubları ilə tanış olublar.Gənclər həmçinin Cümə məscidi, Xan məscidi, Giləhli məscidi və Ömər Əfəndi məscidlərinin kim tərəfindən salınması, keçdikləri tarix və memarlıq üslubları haqda biliklər də əldə ediblər.Azərbaycan dramaturgiyasının banisi olan Mirzə Fətəli Axundovun, həmçinin XIX əsr Azərbaycan maarifçilik hərəkatının görkəmli nümayəndəsi Rəşid bəy Əfəndiyevin, XX əsr Azərbaycan dramaturgiyasının görkəmli nümayəndəsi Sabit Rəhmanın ev muzeylərində və Şəki tarix-diyarşünaslıq muzeyində də olublar.Eyni zamanda gənclər ilk xristian alban məbədi olan Kiş Alban məbədində, daha sonra Narınqala və məşhur “Gələrsən Görərsən” qalasına da gediblər.Sonda Şəki şəhər Gənclər və İdman İdarəsinin rəisi Vüqar İskəndərov gənclərlə görüşərək onlara uğurlar arzulayıb.
'İrəli' Tarix Mərkəzi Şəkiyə ekskursiya təşkil etdi
GƏNCLİK
17:29 11.12.2012
1722
OXŞAR XƏBƏRLƏR
