İsrail ordusunun işğal altındakı İordan çayının qərb sahilinin cənubundakı Hebron şəhərində evlərinə təşkil etdiyi basqın zamanı 16 fələstinlinin nəzarətə alındığı bildirilir.
AZXEBER.COM xarici mətbuata istinadən xəbər verir ki, İsrail əsgərləri Hebronun cənub-qərbindəki Dura qəsəbəsindəki Əl-Namus əl-Favqa məhəlləsinə basqın ediblər.
İsrail əsgərləri basqın zamanı Cihad əs-Sabbar və onun iki oğlu Faysal və Fadini saxlayıb, həmçinin Fələstin fidanlarından kənd təsərrüfatı materialları və gübrələri ələ keçirib.
İsrail qüvvələri Dura şəhərinin Deyr əl-Əsal əl-Taxta kəndinə də basqın edərək 9 nəfəri saxlayıb.
İsrail qüvvələri Hebronun cənub-qərbindəki Beyt-Avvah qəsəbəsinə basqın zamanı 2 nəfəri, şəhərin şimalındakı Halhul qəsəbəsində isə 2 nəfəri nəzarət altına alaraq naməlum yerə aparıb.
İsrail əsgərlərinin basqınlar zamanı evlərin içindəki əşyaları da məhv etdiyi bildirilib.
Gülay
