“İtalyanların ilk addımda etdiyi səhvləri biz də etdik” - İtaliyada yaşayan azərbaycanlı

SOSİAL
15:36 10.07.2020
5052
 AZXEBER.COM-un müsahibi İtaliyada təhsil alan azərbaycanlı tələbə Pərvin Bağırovadır.

O İtaliyada koronavirus pandamiyası ilə bağlı vəziyyətlə bağlı sualları cavablandırıb.

Həmin müsahibəni təqdim edirik:
 
- Pərvin xanım, İtaliyada yaşayırsınız. Hazırda orada vəziyyət necədir?

- İlk öncə qeyd edim ki, kənardan elə görünür sanki Avropada virus artıq yoxdur, İtaliyada da eynilə. Lakin belə deyil, virus hələ də mövcuddur. Hazırda İtaliyada yenidən yoluxmalar yüksək ox üzrə gedir. Bu da insanların küçələrə axın etdiyi üçündür. 5 region Lombardia, Piemonte, Emilia-Romagna, Veneto, Toscanaya baxsaq ən çox Lombardiada görünür. Burada günə 119-200 arası yoluxma var. Əlbəttə pik həddə deyil, lakin yoluxma  dayanmır. Şimalla müqayisədə Cənubda vəziyyət daha yaxşıdır, yoluxma çox az faiz təşkil edir. 09.07.2020 tarixinin göstəricilərinə görə aktiv yoluxma 13.459-dur. Ümumi vəziyyət müsbətdir. Lakin Səhiyyə Nazirliyinin və  Cabina di Regia adlı xüsusi qrupların səyi nəticəsi ilə artımın qarşısı alınıb, amma bəzi regionlarda artım başlayıb və həyəcan təbili yenidən çalınır. 

- Bəs vətəndaşlar özlərini necə qoruyur?

- Sevindirici haldır ki, insanlar arasında qorxu yoxdur, əsas çağırış şəxsi gigiyenanın qorunması və sosial məsafənin saxlanılmasıdır.

- Bəs məkanlar çalışır?

- Hər yer işləkdir, dənizə giriş açıqdır, kafelər, mağazalar, iş yerləri çalışır. Daxili gediş-gəliş, eləcə də Avropa sərhədləri açıqdır. Lakin qaydalar yenə də aktualdır və riayət edilməsi məcburidir. Zatən insanlar artıq özlərini qoruyurlar. Məsələn, hər bir mağaza və marketə giriş zamanı məsafənin qorunması ilə bağlı işarələr qoyulub, sıra gözlənilir, kiçik mağaza və köşk tipli yerlərə 1 nəfər girə bilər və mütləq maska taxılmalıdır. Hər girişdə dezinfeksiya məhluları qoyulub. Kafelər açıq havada xidmət göstərir. İçəridə isə sıxlıq olamamalıdır. İdman zamanı, yemək yeyərkən maska taxılmır, lakin xidmət göstərənlər həm maska, həm əlcəkdədirlər. Bəzi kafelər arakəsmələr qoyub. Nəqliyyatda da hərəkət zamanı eyni qaydalardır, məsafə mütləqdir, 2 nəfər yanaşı əyləşmir, oturacağa da işarə qoyulub. Maskasız qadağandır. 

Airoportda da vəziyyət eynidir. Avropa daxili uçuşları ilə dostlarım evlərinə gedib və dedikləri budur ki, yalnız kameralar xüsusi temperaturu ölçür, yəni siz rahat yolunuzu gedirsiniz, heç kim sizi şəxsən yoxlamır. İnsan axını azdır və check-in çox asan olub.

- İtaliyada yaşayan bir şəxs olaraq Azərbaycandakı vəziyyəti necə qiymətləndirirsiniz?

- Azərbaycanda olan vəziyyət məni çox üzür, tanıdığım çox insanlar var ki, artıq xəstəlikdən əziyyət çəkir. Düşünürəm ki, italiyanların ilk addımda etdiyi səhvləri biz də etdik. 2 ölkə arasında bənzərlik oldu. İnsanların çoxu virusa inanmırdı. Hər şey elə bundan başlayır. İndi karantindir, bilirəm yay aylarında çox çətindir, lakin bacardığımız qədər sağlamlığımızı qorumalıyıq. Mən Red Zone yəni Qırmızı Zonada olmuşam, bu stressin nə olduğunu çox gözəl bilirəm. Sizə deyim ki, biz evdən çıxsaq da içimizdə həmişə bu hiss var. Ona görə məsləhətim çox araşdırmasınlar ki, maska qoruyur ya qorumur, taxsam, ya taxmasam nə dəyişər və ya bu virusun kökünü araşdırmaq laızm deyil. Sadəcə hər kəs nəinki özünü, eləcə də yaxın ətrafını, başqa insanları düşünməlidir, maska taxmalıdır. Hətta mən bu yaxınlarda Genova sahilinə getmişdim, özəl dəniz istirahət zonalarına maskasız buraxmırdılar istinin yüksək dərəcədə olmasına baxmayaraq bütün işçilər, gözətçilər sahildə maska ilə gəzirdi. 


Vaksin və ya xüsusi dərmanın olmadığını, virusun kimin bədəninə necə təsir etdiyini dəqiq bilmədiyimiz üçün yalnız məsləhət maksimum gigiyenanı qorumaq, hər fürsətdə əlləri dezinfeksiya etmək, hətta aldığınız qida, məişət üçün istənilən bir şeyi bacardığınız qədər təmizləmək, dezinfeskiya etmək və əlbəttə ki , immuniteti qorumaq lazımdır. Görürəm insanlar C vitamini, D vitamini axtarırlar dərman olaraq, məncə ölkəmizdə limon, apelsin kimi meyvələr var, antibiotik tipli sarımsaq, soğan, zəncəfil istifadə etməyi  və bacardıqları qədər eyvandan olsa belə günəş (D vitamini) qəbul etmələrini məsləhət görərdim. Sözsüz psixoloji güclü olmaq lazımdır. 

Sosial məsafəni qorusaq, sıra mədəniyyətinə riayət etsək məncə xeyli azalma olacaqdır. Hər kəsə can sağlığı arzulayıram.
 

 

 

 

 


OXŞAR XƏBƏRLƏR

ƏN SON XƏBƏRLƏR

00:37 04.12.2020

Bu gün Azərbaycanda şəhidlərin xatirəsi anılacaq

23:40 03.12.2020

Azərbaycanda ən çox hansı zonada koronavirusa yoluxma olub?

23:35 03.12.2020

Ərdoğan Ruhani ilə Qarabağı müzakirə etdi

23:26 03.12.2020

Zəfər Gününün tarixinin dəyişdirilməsi “Haber Global”ın efirində: “Tarixi jest, Atatürk həssasiyyəti” - VİDEO

22:47 03.12.2020

"Euronews” telekanalının əməkdaşları Suqovuşanda

22:45 03.12.2020

Prezidentin köməkçisi şəhidlərlə bağlı paylaşım etdi

22:42 03.12.2020

Azərbaycan XİN: Ermənistanın xarici işlər naziri xəyal dünyasından reallığa dönməlidir

22:26 03.12.2020

Ermənistanın Xarici İşlər naziri Moskvaya gedir

22:18 03.12.2020

UEFA Azərbaycana qoyduğu qadağanı ləğv etdi

21:58 03.12.2020

Azərbaycanda prokuror koronavirusdan öldü

20:50 03.12.2020

Türkiyənin sabiq müdafiə naziri vəfat etdi

20:38 03.12.2020

Azərbaycan Premyer Liqasında növbəti turun üç oyunu təxirə salındı

20:26 03.12.2020

Dövlət başçısı: "Pandemiya ən yoxsul və zəif vəziyyətdə olan ölkələrə daha çox zərbə vurub"

20:15 03.12.2020

Prezidentdən Azərbaycan Sənaye Korporasiyasının fəaliyyəti ilə əlaqədar FƏRMAN

20:04 03.12.2020

Azərbaycanlı deputat MDB PA-nın Sosial siyasət və insan hüquqları üzrə daimi komissiyasının sədri seçildi

19:34 03.12.2020

ATƏT-in Minsk qrupunun həmsədr ölkələri Qarabağa dair birgə bəyanat yaydı