"İşğaldan azad olunmuş ərazilərdə bərpa-quruculuq işləri və Böyük Qayıdış Proqramının icrası uğurla davam etdirilir”.
AZXEBER.COM xəbər verir ki, bu sözləri Baş prokuror Kamran Əliyev 1 oktyabr - Azərbaycan Respublikası Prokurorluğu işçilərinin peşə bayramı günü və Azərbaycan Prokurorluğunun yaradılmasının 108-ci ildönümünə həsr olunmuş tədbirdə çıxışı zamanı deyib.
Mətbuatda da yayılan məlumatlardan göründüyü kimi, hər ay Prezident İlham Əliyev və birinci vitse-prezident Mehriban Əliyeva həmin bölgələrə səfərlər edir, yeni infrastruktur layihələrinin təməlini qoyur, həmçinin hazır layihələrin açılışını həyata keçirirlər.
Kamran Əliyev qeyd edib ki, işğaldan azad edilmiş ərazilərdə yeni infrastruktur layihələrinin tikintisi və istifadəyə verilməsi prosesinə qardaş ölkələrin şirkətləri də cəlb olunur. Bu çərçivədə Türkiyə, Mərkəzi Asiya ölkələri, Çin Xalq Respublikası və digər ölkələrin şirkətləri nümunə göstərilə bilər.
Şahanə Ziyad
