Pakistanın təhlükəsizlik qüvvələri son iki gün ərzində ölkənin şimal-qərbində keçirilən iki reyddə 43 yaraqlını məhv edib.
AZXEBER.COM xəbər verir ki, bu barədə "Al Arabiya" Pakistanın hərbi idarəsinə istinadən məlumat yayıb.
Açıqlamaya əsasən, əməliyyatlar Əfqanıstanla sərhəd olan Xayber-Paxtunxva vilayətinin Mir-Əli və Orakzay rayonlarında həyata keçirilib. Reydlər zamanı həmçinin silah, sursat və partlayıcı qurğular ələ keçirilib.
Hərbi idarə məhv edilmiş şəxsləri xaricilər adlandırıb - bu, Pakistan hakimiyyətinin Əfqanıstandan dəstək aldığı güman edilən yaraqlıları, o cümlədən qadağan olunmuş "Təhrik-e-Taliban Pakistan" (TTP) qruplaşması ilə əlaqəli olanları ifadə etmək üçün istifadə etdiyi termindir.
