AZXEBER.COM-un "Qonağım ol" rubrikasının qonağı tanınmış müğənni Xatun Əliyevadır.
- Sənətdə uğur əldə etsəniz də, ailə həyatınız bir o qədər uğurlu olmadı. Tək başına bir oğul övladı böyüdürsüz. Amma heç bir zaman efirdə təklikdən gileylənmədiz. Əlbətdəki elə məqam olub, ki, özünüzü təhna hiss edirsiniz?
- O qədər pozitiv insanam ki, yaşa dolduqca bunu daha da kəşf edirəm. Elə vəziyyətə düşsəm, ağlayıb, sızlamaq yox, əvəzinə çıxış yolu axtararam. Belə olan hallarda insanlara olan sevgimlə vəziyyətdən çıxmışam.
Hərdən sakit insan görəndə darıxıram. Deyirəm necə belə sakit oturmusan. Hamı eləcə də sevdiyim insan da yanımda olsa ola bilər ki, özümü tənha hiss edə bilərəm. Yəni bunu sırf qarşı tərəfin üsdünə atıb, sevgilim və ya həyat yoldaşım yoxdur deyə bədbəxtəm demərəm.
- Parodiyalarınız da xalq tərəfindən sevildi. Düşünürsüzmü komediya janrında oynayan aktrisalardan daha bacarıqlısınız və aktrisa kimi fəaliyyət göstərəsiniz?
- Sözün düzü çox təklif gəlib. Mahnılarım sevilir deyə müğənniliyə üstünlük verirəm. Həm incəsənətdə, həm də dünyada ən birinci müğənnilik sənətidir. Bu sənətin də gəliri və reytinqi digər incəsənət növləri ilə müqayisədə daha üstündür. Bəzilərindən əlbəttə ki, yaxşı oynayıram. Çox sevdiyim aktrisalardan biri əməkdar artist Dilarə Əliyevadır.
- Övladınızı mətbuatdan və televiziyadan uzaq tutursunuz. Bunun səbəbi nədir?
- Oğlum Adil özü başqa təbiətə malik insandır. Ali təhsilin başa vurub, hərbi xidmətə yollandı. Əsgərlikdən sonra magistr təhsili almağa başlayacaq. Hərdən sosial şəbəkələrdə müəyyən şeylər qəlbimə dəyir. Mən xalqın önündəyəm, sosial şəbəkədə nə istəyirlər yazırlar, müəyyən qisminə nəzarət edirik. Elə yer var ki, orada nəzarət edə bilmirəm, cəfəngiyyat yazırlar. Elə insanam ki, məni müzakirə edirlər. Bəzən haqsız yerə müzakirə edirlər bu məni məyus edir.
Nə yaxşı ki, mən oğlumu bundan qorumuşam.
- Oğul anası oldunuz, qız anası olmağı necə arzu etmisiniz?
- Qız anası olmaq ən böyük arzum idi. Kimdə qız övladı varsa, maşallah deyirəm. Hərdən deyirəm bəxtəvərdir. Qardaşım Balaşın qızı onlandan sonra bu sevdamdan əl çəkdim.
- Açıqlamalarınızın birində demisiniz ki, sosial şəbəkə müğənnini adiləşdirir...
- Müəyyən şeylər var ki, deyirlər, çək qoy sosial media hesabına amma etmirəm. Məcburmuyuq ki, səhər yerimizdən duran kimi bahalı ətirlərimizi və səhər yeməklərimizi göstərək? Göstərmələrdən sonra karantin dövründə nələr eşitmədik. Tamaşaçı inanmalıdır ki, bunlar da normal insan kimi nəyəsə ehtiyacı ola bilər.
- Deyirlər ki, qadın xəyanəti bağışlasa adiləşər. Bəs sizcə qadın xəyanəti bağışlamalıdır?
- Yaradılışından kişilərdə bir xüsusiyyət var ki, onlar əlində olanla kifayətlənmirlər. Hətta Cennifer Lopez və İrina Şeyk kimi qadınlar aldadılıbsa, biz niyə aldadılmayaq? Kişi etdiyi xəyanəti həyat yoldaşına bildirməməlidir. Bir də xanımlar hiss etməlidir ki, artıq xəyanətin qoxusu gəlir. Tez özlərinə çəki düzən verməlidilər. Evdar xanmlara demək istəyirəm ki, siz yoldaşınızın baş tacısınız. Heç vaxt onu qısqanmayın .Ən əsasda onları dedi-qodu ilə bezdirməyin. Ailəli bəylər xəyanət etəslər belə hər zaman öz xanımlarını daha çox sevirlər. Bir var evləniləcək xanım, bir də var əyləniləcək xanım. Bunun adından hər şey bəllidir. Ailəli xanımlara demək istəyirəm ki, kişiləri bezdirməyin ki, gedib əylənsinlər. Onlar əyləndikcə xəyanət edirlər. Həyat yoldaşlarınız üçün savadlı və maraqlı olun.
Sosial şəbəkələr bu gün aktivdir. Orada açıq-saçıq xanım görüb qısqanırlar. Unutmayın ki, açıq geyinən və əl çatan heç vaxt dəyərli olmur. Bəylər nə istəyir etsin, evdəki xanımları müqəddəsdir.
- Valideynlərinizin hər zaman sözünü eşidən bir övlad olmusunuz...
- Anam sosial şəbəkədə var, xoşagəlməz hal baş verəndə həmin dəqiqə görür. Təzə efirə çıxanda qısa geyinirdim, boyum da balacadır. Hər dəfə deyirdi ki, qısa geyinmə, sənə yaraşmır. Deyirdim hamı geyinir də (gülür).
- Karantin dönəmində bir çox məşhurlar Operativ Qərargahın qoyduğu qaydaları tənqid etdi. Bəs siz hansı bu haqda nə düşünürsünüz?
- Bu karantin bütün dünyada baş verdi. Karantində çox insanları tanıdım. Çıxıb ulduz kimi çıxış edənlər oldu. Ancaq bizim hər birimiz qoyulan qadağalara riayət edək, bu bizim borcumuzdur.
Nazim Qasımzadə,
AZXEBER.COM
AZXEBER.COM
