UEFA 2019/20 mövsümü üçün Avropa kuboklarında mübarizə aparan klublara ayırdığı gəliri açıqlayıb.
AZXEBER.COM qol.az-a istinadən xəbər verir ki, bununla bağlı hesabat qurumun saytında yayımlanıb. Yeni mövsüm Çempionlar Liqası, Avropa Liqası və UEFA superkubokundan kommersiya daxilolmaları 3,25 milyard avro məbləğində dəyərləndirilir.
UEFA-nın qərarına əsasən, 2019/20 mövsümü üçün avrokuboklarda mübarizə aparan komandaların gəlirləri aşağıdakı kimi olacaq:
Çempionlar Liqası
İlkin mərhələ: 230 min avro
Birinci mərhələ: 280 min avro
İkinci mərhələ: 380 min avro
Üçüncü mərhələ: 480 min avro
Pley off: Bu mərhələ üçün mükafat nəzərdə tutulmayıb. Çünki qalib ÇL-in, məğlub isə Avropa Liqasının qrupunda oynayacağından onlara mükafat veriləcək.
Qrup mərhələsi: 32 komandanın hər birinə 15,25 milyon avro
Qrupda qələbə üçün: 2,7 milyon avro
Heç-heçə üçün: 0,9 milyon avro
1/8 finala çıxmağa görə: 9,5 milyon avro
1/4 finala çıxmağa görə: 10,5 milyon avro
1/2 finala çıxmağa görə: 12 milyon avro
Finala çıxmağa görə: 15 milyon avro
Çempionlar Liqasının qalibinə: 4 milyon avro
UEFA superkubokunda iştiraka görə: 3,5 milyon, qalib olmağa görə əlavə 1 milyon avro
Avropa Liqası
İlkin mərhələ: 220 min avro
Birinci mərhələ: 240 min avro
İkinci mərhələ: 260 min avro
Üçüncü mərhələ: 280 min avro
Pley-off: 300 min avro (yalnız məğlublar üçün. Qalib komanda qrupa vəsiqə qazandığından onlara mükafat ödəniləcək)
Qrup mərhələsi: 48 komandanın hər birinə 2,92 milyon avro.
Qrupda qələbə üçün: 570 min avro
Heç-heçə üçün: 190 min avro
Qrupun qalibinə: 1 milyon avro
Qrup ikincisinə: 500 min avro
1/16 finala çıxmağa görə: 0,5 milyon avro
1/8 finala çıxmağa görə: 1,1 milyon avro
1/4 finala çıxmağa görə: 1,5 milyon avro
1/2 finala çıxmağa görə: 2,4 milyon avro
Finala çıxmağa görə: 4,5 milyon avro
Qalib əlavə 4 milyon avro qazanacaq
Xatırladaq ki, 2019/20 mövsümündə Azərbaycanı avrokuboklarında dörd komanda təmsil edir. "Qarabağ" Çempionlar Liqası, "Neftçi" və "Səbail" Avropa Liqasının birinci mərhələsindən mübarizəyə başlayıb. Ölkə kubokunun sahibi "Qəbələ" isə Avropa Liqasına ikinci mərhələdən qoşulacaq.
