İngiltərəyə qayıdan Şahzadə Harry və Meghan Markle ilə bağlı Kral III Çarlzın göstərişi ilə rəsmi açıqlama verilib.
AZXEBER.COM xəbər verir ki, Kralın adından Lord Chamberlain tərəfindən hökumət qurumlarına, orduya və regional nümayəndələrə göndərilən məktubda cütlüyün kral ailəsinin çalışan üzvləri olmadığı bildirilib.
Məktubda Harry və Meghanın 2020-ci ilin yanvarında monarxı rəsmi tədbirlərdə təmsil etməkdən imtina etdikləri və hazırda kral ailəsinin çalışan üzvləri sayılmadıqları vurğulanıb.
Sənəddə cütlüyün statusunda heç bir dəyişiklik olmadığı, onların "Kral Əlahəzrətləri” (HRH) titullarından rəsmi şəkildə istifadə etmədikləri qeyd edilib. Onların xeyriyyəçilik fəaliyyəti isə şəxsi təşəbbüs kimi qiymətləndirilir və kral ailəsini rəsmi olaraq təmsil etmir.
Bundan əlavə, Harry və Meghanla bağlı inzibati və rəsmi yazışmaların Bukingem Sarayı əvəzinə onların öz ofislərinə göndərilməsi bildirilib.
Məktubun əsas məqsədinin cütlüyün Böyük Britaniyaya qayıdışından sonra onların statusu ilə bağlı yarana biləcək qeyri-müəyyənliyi aradan qaldırmaq olduğu açıqlanıb.
Gülay
