Kriştiano Ronaldo ilə məzələndilər: "Ronaldo, Neftçi”nin qapıçısına zəng et!"
İDMAN
11:26 16.09.2011
2237
Çempionlar Liqasının qrup mərhələsində keçirilən “Dinamo” (Zaqreb) – “Real” (Madrid) matçı xoşagəlməz hadisələrlə zəngin olub. Qonaq komandanın məşhur futbolçusu Kriştianu Ronaldo yaşanan olaylardan az qala dəliyə dönüb. Bir yandan Yerko Lekonun 90 dəqiqə boyu imkan tapan kimi təpiklədiyi hücumçu azarkeşlərin şüarlarından da bezib. “Maksimir” stadionuna toplaşan minlərlə azarkeş planetin ən güclü 2 futbolçusundan biri olan Ronaldonu əsəbiləşdirmək üçün Lionel Messinin adını çığırıblar.“Messi, Messi” sədaları altında əsəbiləşən Ronaldoya isə ən maraqlı məsləhəti Serbiya mətbuatı verib. Serb həmkarlarımız portuqaliyalı ulduza kimdən və nəyi öyrənmək lazım olduğunu dərc edib: “Kriştianu, get, Azərbaycanın “Neftçi” klubunda oynayan Saşa Stamenkoviçə zəng et! O, səni yaxşı başa düşüb, məsləhət də verər. “Maksimir” stadionunda həmyerlimiz də sənin kimi təhqirlərə məruz qalmışdı. Özü də milli zəmində təhqirlərə. Leko ilə də problemi olmuşdu. Bu təhqirlərdən sonra ləyaqətini qoruyan Saşa cavab oyununda onun dərsini verdi. Get, Stamenkoviç bunları sənə öyrətsin”.Qeyd edək ki, Saşa Bakıdakı oyunda Lekonun üzünə tüpürmüşdü.
