Rusiyanın paytaxtı Moskvada körpələr arasında maraqlı yarışma keçirilib. 17-20 noyabr tarixində keçirilən "WAN Ekspo Hamilə Qadınlar və Körpələr Festivalı" çərçivəsində təşkil edilən iməkləmə yarışı rəngli görüntülərə səhnə olub.1 yaşdan aşağı bir-birindən gözəl 15 körpənin yarışdığı müsabiqəyə onların valideynlərinin istifadə etdikləri qəribə üsullar öz damğasını vurub. Körpələrinin daha cəld iməkləməsi üçün valideynlər uzaqdan idarə cihazı, mobil telefon, süd qabı və maşın açarı ilə onların diqqətini cəlb etməyə çalışıblar.Finişə yaxınlaşaraq geri dönən yaxud finişə yaxın yerdə yuxuya gedən bəzi körpələr valideynlərini çətinə salıblar.
