Bakıda səfərdə olan Litva parlamentinin sədri İrena Dequtiene jurnalistlərə müsahibəsində ölkəsinin Azərbaycanla ikitərəfli sahələrdə əməkdaşlıqda maraqlı olduğunu deyib. Litva Seyminin sədri Vilnüsün rəsmi Bakı ilə münasibətlərində biznes və enerji təhlükəsizliyi məsələsinin diqqət mərkəzində olduğunu deyib. İrena Dequtienenin sözlərinə görə, sabah Bakıda keçiriləcək Azərbaycan-Litva biznes forumunda Azərbaycana sərmayə qoyuluşu imkanaları araşdırılacaq. Biznes forumunda Litvadan kənd təsərrüfatı, qida sənayesi, energetika, telekommunikasiya, tikinti və digər sahələrdə fəaliyyət göstərən 30-ya yaxın şirkət, Azərbaycan tərəfindən eyni sahədə fəaliyyət göstərən 90 sahibkar iştirak edəcək.
İkitərəfli münasibətlərin inkişafı və tələbələrin mübadiləsində maraqlı olduğunu Litva Seyminin sədri bildirib ki, Bakıda keçirilək biznes forumda iştirak etmək üçün siyasətçilərlə yanaşı, sahibkarlar da gəlib: “Biz Azərbaycanla həm də “Əkizlər layihəsi çərçivəsində” əməkdaşlıq edirik. Bu layihə çərçivəsində Litva Seymi ilə Azərbaycanın Milli Məclis aparatı və Litva ilə Azərbaycanın Baş Prokurorluqları əməkdaşlıq edir. Bundan başqa, daha 6 yeni layihə ilə bağlı sifarişlər də var və hesab edirəm ki, Azərbaycanla Litva arasında əməkdaşlıq genişləndirilə bilər”.
//Ans TV
