Yunanıstanda yenə tətil elan edilib, etiraz aksiyaları keçirilir. Paytaxt Afinada ölkənin ən böyük elektrik enerjisi təminatçısının işçiləri tətil elan ediblər. Yunanıstan hökumətinin elektrik enerjisinə yüksək vergi qoyması və borcunu ödəməyənlərin enerjisinin kəsiləcəyinə dair edilən xəbərdarlıq onların etirazına səbəb olub. Etirazçılar işlədikləri şirkətin binasını zəbt ediblər. Nümayişçilər binanı tərk etməyəcəkləri təqdirdə həbs olunacaqlarına dair məhkəmə qərarına da məhəl qoymurlar. Nümayişçilər hökumətin büdcə xərclərinin azaldılmasına yönəlmiş tədbirlər paketinə də etiraz edirlər.Bu arada, Yunanıstanın iki ən böyük həmkarlar ittifaqı dekabrın 1-də ümumi tətil elan edəcəklərini bəyan edib. Ümumi tətilin, adəti üzrə, bütün Yunanıstanda ictimai və avia-nəqliyyatın işini iflic edəcəyi gözlənilir.
