ABŞ-ın Kaliforniya ştatının Los-Anceles şəhərində baş verən meşə yanğınlarında həyatını itirənlərin sayı 29-a yüksəlib.
AZXEBER.COM Türkiyə mediasına istinadən xəbər verir ki, Palisades yanğınında 12, İton yanğınında 17 nəfər olmaqla, ölənlərin sayının 29-a çatdığı söylənilib.
Rəsmilər Palisades yanğınının 95 faizinin nəzarət altına alındığını bildiriblər.
Bildirilib ki, 14021 hektar əraziyə yayılan İton yanğınının 99 faizi söndürülüb.
Yanğın zonasında güclü yağış nəticəsində yaranan sellərin zəhərli kül axınlarına səbəb ola biləcəyi barədə xəbərdarlıq da edilib. Külün yanan avtomobillər, elektronika, akkumulyatorlar, tikinti materialları, boyalar, mebel və digər məişət əşyalarının zəhərli qarışığı olduğu qeyd edilib.
Ərazini təmizləyən qruplara qoruyucu vasitələrdən istifadə etmələri tövsiyə olunub.
Oksana
