TQDK-nın ictimaiyyətlə əlaqələr sektorunun müdiri Elnur Nağızadə bildirib ki, aşağı nəticə göstərənlər daha çox xüsusi qabiliyyət tələb edən ixtisaslar üzrə imtahan verən bakalavrlar olub. Bu səbəbdən də TQDK xüsusi qabiliyyət tələb edən ixtisaslar üzrə keçid balını 50-dən 40-a, müəyyən proqramlar üzrə isə 45-ə endirib. 

E. Nağızadə deyib ki, İİM və HSM istiqamətlərinə daxil olan ixtisaslaşmaları (xüsusi qabiliyyət tələb edən ixtisaslaşmalar istisna olmaqla) topladığı bal 50-dən, TM, TTM, MM, TEM və ETM istiqamətlərinə daxil olan ixtisaslaşmaları topladığı bal 45-dən, ATM və HSM istiqamətlərinə daxil olan ixtisaslaşmaları topladığı bal 40-dan az olmayan bakalavrlar seçə bilərlər.

Komissiya rəsmisinin sözlərinə görə, magistraturaya qəbulun II mərhələsi iyunda keçiriləcək. Bu mərhələdə ilk mərhələdən uğurla keçən bakalavrlar ixtisaslaşma üzrə imtahan verəcəklər. İmtahanda onlara seçdikləri proqram istiqaməti üzrə 50 sual təqdim ediləcək. İxtisaslaşma seçimində iştirak etmək üçün bakalavrların məntiqi təfəkkür, xarici dil və informatika fənni üzrə nəticələrinə məhdudiyyət qoyulmayacaq./// APA