Mahnımızı öz dilimizdə də oxuyacaqlar - VİDEO

AZXEBER.COM-un məlumatına görə, o, hazırda "When The Music Dies" mahnısının Azərbaycan versiyasının hazırlandığını bildirib. Səbinə Babayeva eyni zamanda müsabiqə ərəfəsində London, Macarıstan və Amsterdama səfər edəcəyini deyib.Eurovision Mahnı Müsabiqəsinin final mərhələsində 13-cü çıxış edəcək Səbinə Babayeva buna çox sevindiyini bildirib. "Püşkatma zamanı 13 rəqəmi altında çıxış edəcəyim məlum olduqda çox sevindim. Çünki bu mənim ən düşərli və sevimli rəqəmlərimdəndir. Maraqlısı ondadır ki, "Slavyan ulduzu" yarışmasında Qran-pri mükafatını qazananda da məhz 13 nömrə altında çıxış etmişdim. Bu, bir neçə dəfə olub və mənim üçün sevindirici haldır."Eurovision 2012-də digər ölkələrin təmsilçilərindən də danışan Səbinə Babayeva bu il çox güclü təmsilçilərin mübarizə apardığını deyib. "Amma mən rəqabət və ya rəqiblər haqda düşünmək istəmirəm, çünki bütün gücümü məhz şoumuzun hazırlığına sərf edirəm."Eurovision 2012 təmsilçimiz müsahibə zamanı dostları Elnur Hüseynov və Diana Hacıyeva ilə maraqlı kompozisiya da ifa edib. Müsahibədən bir hissəni izləyə bilərsiniz. Geniş reportajı tezliklə gözləyin!