“İrəli” İctimai Birliyi “Media Akademiya 4” layihəsinin başlanmasını elan edib.
AZXEBER.COM-un məlumatına görə, “Media Akademiya 4” layihəsinin açılış mərasimi və eyni zamanda “Media Akademiya 3” layihəsinin məzun gecəsi keçirilib.Media Akademiyası layihənin əsas məqsədi Azərbaycanda media sahəsində peşəkar gənclərin hazırlanması, medianın perspektivli sahələrində yüksək dünyagörüşlü, savadlı gəncləri üzə çıxarmaq, onların bu istiqamətdə fəaliyyətini düzgün yönləndirmək, professional gənc jurnalistlər yetişdirməkdir.Tədbirdə “İrəli” İctimai Birliyinin sədri Rauf Mərdiyev, millət vəkili Ceyhun Osmanlı, media kapitanlar, jurnalistlər, özəl qurumların təmsilçiləri, “Media Akademiya” layihəsinin müəllim heyəti və iştirakçıları iştirak edib.Rauf Mərdiyev qeyd edib ki, artıq “İrəli” Media Akademiya layihəsi ölkədə brendə çevrilmiş və arxasında real uğur hekayəsi olan bir layihədir:“Bundan sonra da onun davamlılığını saxlayaraq cəmiyyət üçün gənc jurnalist yetişdirməyə davam edəcəyik”.Daha sonra “İrəli” İctimai Birliyi adından “Media Akademiya 3” layihəsinin təlimçi və ekspertləri olan Vüsal Quliyev, Vəfalı Ənsərov, Tural Yusifov, Vüqar Babayev, Cəlalə Nəzəroğlu, Kövsər Orucovaya və eyni zamanda layihə iştirakçısı olmuş gənclərə diplomlar təqdim olunub. Diplomları təqdim edən millət vəkili Ceyhun Osmanlı layihəni uğurla başa vuran gənclərə uğurlar arzulayıb.O bildirib ki, hazırda tədbiri işıqlandıran mətbuat işçiləri arasında Media Akademiyası layihəsinin məzunlarının olması çox gözəldir.Tədbir zamanı “Media Akademiya 3” layihəsinin iştirakçıları tərəfindən hazırlanmış video nümayiş olunub. Tədbirin sonunda gənc istedadlı müğənnilər öz ifaları ilə məzunları təbrik ediblər.Qeyd edək ki, “Media Akademiya 4” layihəsi çərçivəsində 25 nəfər gənc önümüzdəki 3 ay ərzində jurnalistikanın sirrlərinə yiyələnəcəklər.
