Son günlər ölkəmizdə reallıqda olmayan informasiyaların qabardılması halları baş verir.
AZXEBER.COM Trend-ə istinadən bildirir ki, bunu Yeni Müsavat media qrupunun rəhbəri Rauf Arifoğlu Mətbuat Şurasında keçirilən tədbirdə deyib.
O bildirib ki, Azərbaycan cəmiyyətinə istiqamətləndirilmiş dezinformasiyalar yayılır. "Bunun qarşısını biz media qurumları almalıyıq. Bizim informasiya savaşımız davam edir. Azərbaycana qarşı informasiya savaşı indi daha çoxdur. Bizim üzərimizə güclü informasiya hücumu var, biz media qurumları bu hücuma qarşı mübarizə aparmalıyıq, dezinformasiyaların qarşısını almalıyıq. Biz sosial şəbəkələrdə də aktiv olmalıyıq, yalan məlumatların qarşısını almalıyıq. Bizim media imkanlarımız daha genişdir", - deyə o bildirib.
