Venesuela sahillərində baş verən güclü zəlzələdən sonra yaxın günlərdə ölkədə sunami təhlükəsi mövcuddur.
Bunu seysmoloq Aleksandr Jiqalin Life.ru saytına müsahibəsində bildirib.
Mütəxəssis xatırladıb ki, əsas təkanlardan sonra tədricən zəifləyən, lakin uzun müddət davam edə bilən afterşoklar baş verir.
"Bu hadisədə maqnituda 7.2 təşkil edib - bu, çox yüksək, dağıdıcı həddə yaxın bir göstəricidir. Artıq sunami təhlükəsi elan olunub və böyük ehtimalla, o, yaxın günlərdə özünü büruzə verəcək ", - deyə Jiqalin qeyd edib.
O əlavə edib ki, Venesuela Atlantik okeanının seysmik zonasında yerləşir, lakin zəlzələlərin əsas ocaqları Sakit okean qurşağında cəmləşib. Təkanlar regionun hüdudlarından kənara çıxmayacaq.
