Mərkəzi Bankın sədri 100 manatlıq əsginazdan danışdı
Bütün Xəbərlər
16:33 10.04.2013
1409
Mərkəzi Bankı (AMB) 2013-cü ilin fevralından kommersiya banklarına qarşı tətbiq edilən 0,3 faiz komissiyanı ləğv etmək niyyətində deyil.Bu komissiya AMB-dən onlara verilən hər 100 manatlıq nağd əsginaza görə alınır.AMB-nin idarə heyətinin sədri Elman Rüstəmov jurnalistlərə deyib ki, 100 manatlıq əsginaza görə komissiyanın tətbiqi müvəqqəti tədbir deyil."Bu qərar öz səmərəliliyini göstərdi, biz pul kütləsi strukturunda dəyişikliklər gözləyirik və bu istiqamətdə işi davam etdiririk. Əgər əvvəllər 100 manatlıq əsginazlar digər əsginazları sıxışdırıb çıxarırdısa, hazırda onun bazar payı daha kiçik nominallı əsginazların payının artması hesabına azalıb. Həmçinin metal qəpiklər paylarını artırıblar".Onun sözlərinə görə, bu, pul dövriyyəsinin sadələşdirilməsinə xidmət edir və əhalinin müəyyən xidmətlərdən istifadəsini sadələşdirir.
