Suriyada Bəşər Əsədə sadiq qüvvələr məscidi bombardıman edərək uçmasına səbəb olub. Hadisə Suriyanın Deyrizzur şəhərində baş verib. Məlumata görə, keçən həftə cümə namazında oxunan moizə Bəşər Əsəd tərəfdarlarının xoşuna gəlmədiyi üçün bir gün sonra məscid qırıcı təyyarələrlə bombardıman edilib.

Hadisənin namaz vaxtı baş verməməsi kütləvi qətliamın qarşısını alsa da bombardıman nəticəsində məscidin din xadimi ölüb.

Qeyd edək ki, din xadimi cümə günü oxuduğu moizədə xalqı Əsəd ordusuna qarşı səfərbər olmağa və azad Suriya ordusuna dəstək verməyə səsləyib. Bu isə öz növbəsində Əsəd tərəfdarlarını hiddətləndirib.

Din xadimi Bəşər Əsəd əleyhinə səsləndirilən şüarların müşayiətində torpağa tapşırılıb.