Türkiyənin Kahramanmaraş vilayətinin Türkoğlu qəsəbəsində törədilmiş ağır cinayətin üstü açılıb.
Meşə sahəsindən keçən su kanalından meyiti tapılan 18 yaşlı Fatma Nur Karaoğlanın qatilinin tapılmasında onun feysbuk yazışmalarının müstəsna rolu olub. Belə ki, polis qızın meyitinin üzərindən onun şəxsiyyətini təsdiq edən sənədi tapıb və həmin adlı feysbuk üzvləri yoxlanarkən gənc qadının həmin paltarda fotoları aşkarlanıb beləliklə qətlə yetirilən şəxsin kimliyi dəqiqləşdirilib. Daha sonra istintaqçılar Fatma Nurun yazışdığı şəxsləri araşdırıb və onun 17 yaşlı O.A ilə mütəmadi ünsiyyətdə olduğu vaxtaşırı görüşdüyü üzə çıxıb.
İstintaqa cəlb edilən gənc oğlan törətdiyi əməli etiraf etməli olub. O, qızı daş parçası ilə başına vuraraq öldürdüyünü deyib.
Araşdırmalar davam etdirilir. (publika.az)
