Moskvada işıq effektləri ilə adi binaların görkəminin tanınmaz dərəcədə dəyişdirməkdən ibrət olan qeyri-adi və möhtəşəm bir festival fəaliyətə başlayıb.ANS TV-nin Moskva bürosundan verilən məlumata görə, bu festivalda dünyanın ən məşhur sənətçiləri öz bacarıqlarını nümayiş etdirirlər. Moskvada bu il dördüncü dəfə keçirilən “İşıq ətrafında” adlı festival rəngarəng görüntülərilə şəhər sakinlərinin gözünü oxşadı. İştirakçıların sayı nümayiş meydanları və proqramların çoxluğu ilə rekord vuran builki tədbirin mövzusu “Dünya səyahəti” adlanır.Festivalda 100-dən çox yerli və əcnəbi işıq dizayneri və mütəxəsislər öz məharətlərilə tamaşaçıları heyrətləndirməyi bacardı. Festival 7 ayrı məkanda- Moskvanın məşhur Böyük Teatr binasıda, Ümumrusiya Sərgi Mərkəzindəki tikililər, Tsaritsino parkı, Manej meydanı kimi yerlərdə təşkil edilib. Festivalda əsas nümayiş obyekti isə 540 metr yüksəkliyindəki Ostankino qülləsi oldu.Festivalın rejissoru Vasiliy Sazonov deyir ki, bu festivalda lazerlər, su ekranları, üzən dekorasionlar və digər maraqlı effektləri görmək olar. Onun sözlərinə görə, Ostankino qülləsində festival qurtarandan sonra bütün işıq və video effektləri qalacaq.Dünyada analoqu olmayan bu festivalı izlemek üçün 10 min xarici turistin də Moskvaya gəldiyi bildirilir.Festivalın koordinatoru Tatyana Lefantyeva festivalın yavaş-yavaş da məhşurlaşdığını dedi. O bunun səbəbini dünyanın ən məşhur işıq dizaynerlərinin festivala qatılması ilə əlaqələndirir.Keçən il 4 milyon tamaşaçının izlədiyi festivalı bu il 4 gün ərzində ən az 6 milyon insanın ziyarət edəcəyi gözlənilir.
