Azərbaycan Respublikası Milli Məclisinin İctimai birliklər və dini qurumlar komitəsinin sədri Fazil Mustafa, Azxeber.com saytının 15 illik yubileyi münasibətilə redaksiya heyətinə təbrik məktubu ünvanlayıb.
Məktubda deyilir:
"Hörmətli redaksiya heyəti!
Azxeber.com xəbər portalının fəaliyyətə başlamasının 15 illik yubileyi münasibətilə sizi səmimi-qəlbdən təbrik edirəm!
Azxeber.com ötən 15 il içində Azərbaycanın media məkanında özünəxas yer tutaraq, cəmiyyətin informasiya ehtiyaclarını dəqiq və operativ şəkildə qarşılamaqla yanaşı, ictimai rəyin formalaşmasında da önəmli rol oynayıb. Saytın qurucuları Əfsələddin Ağalarov və Hacıbəy Heydərlinin şəxsi fəaliyyətlərində olduğu kimi, rəhbərlik etdikləri media qurumunun da ictimai maraqları hər zaman əsas tutması, cəmiyyətin informasiya ehtiyaclarını dəqiq və operativ şəkildə qarşılamağa xidmət etməsi təqdirəlayiqdir.
Azxeber.com ötən 15 ildə yalnız xəbər portalları sırasında deyil, həm də ictimai rəyin formalaşmasına təsir göstərən, cəmiyyətin müxtəlif təbəqələrinə xitab edən nüfuzlu bir media tribunasına çevrilib. Peşəkar komanda ruhu, məsuliyyətli redaksiya siyasəti və obyektiv yanaşma bu platformanın oxucu güvəni qazanmasında önəmli rol oynayıb.
Əfsələddin Ağalarov, Hacıbəy Heydərli və redaksiyanın digər əməkdaşlarının həm jurnalist, həm də ictimaiyyət nümayəndəsi kimi nümayiş etdirdikləri ardıcıl fəaliyyət, medianın mənəvi-ictimai məsuliyyət daşıdığı bir mühitdə etibarlı mövqe ilə seçilmələri, gənc nəsil üçün örnəkdir.
Bu əlamətdar gündə sizə möhkəm cansağlığı, yeni yaradıcılıq uğurları və həm fərdi, həm də peşəkar fəaliyyətinizdə üstün başarılar diləyirəm!
Uğurlarınız bol, yolunuz açıq olsun”!
