Tanınmış gürcü ssenarist, teatr və film rejissoru, rəssam Rezo Qabriadze vəfat edib.
AZXEBER.COM xəbər verir ki, o, 84 yaşında dünyasını dəyişib.
R.Qabriadze 1936-cı ildə Kutaisi şəhərində anadan olub. O, "Ne qoryuy”, "Mimino”, "Kin dza dza” da daxil olmaqla, 35-dən çox filmin ssenari müəllifi olub.
1981-ci ildə R.Qabriadze Tbilisi Marionet Teatrını yaradıb. Teatr onun adını daşıyır.
O, SSRİ Dövlət mükafatçısı (1989), "Nika”, "Triumf”, "Qızıl maska” (Rusiya) mükafatlarının sahibidir, həmçinin Fransanın İncəsənət və Ədəbiyyat ordeninin kavaleri olub.
