Milli Televiziya və Radio Şurası (MTRŞ) ATV telekanalında yayımlanan "Ən yaxşısı” verilişində baş verənlərə münasibət bildirib.
AZXEBER.COM APA-ya istinadən xəbər verir ki, MTRŞ-nin şöbə müdiri Təvəkkül Dadaşov bildirib ki, adıçəkilən verilişdə baş verənlərlə bağlı Şura sədri Nuşirəvan Məhərrəmli telekanalın rəhbəri ilə müzakirə aparıb.
"Müzakirə zamanı Şura sədri verilişlərdə bu cür halların yolverilməzliyini telekanal rəhbərinin diqqətinə çatdırıb”, - deyə T. Dadaşov vurğulayıb.
Xatırladaq ki, bir müddət əvvəl "Ən yaxşısı” verilişində müğənni Manaf Ağayev qadınlar haqda zorakılığa çağırış edən fikir səsləndirib.
