"Mən və həmkarım Zaur Nəbioğlu görüşəndə belə bir qərar aldıq ki, efir tərbiyəsi olmayan müğənniləri verilişlərimizə dəvət etməyək".
AZXEBER.COM xəbər verir ki, bunu aparıcı-prodüser Tarix Əliyev "Tarixin bir günü" verilişində deyib.
O, aparıcı Elgiz Əkbərin də bu qərarı aldığını deyərək digər həmkarlarına səslənib:
"Mənim fikrimcə, bu günləri əsasən şou və musiqi verilişləri aparan gündəlik veriliş aparıcıları bir araya gəlib, tamaşaçılarının maraqlarını nəzərə almalıdırlar. Həmçinin, efirdə öz danışığını bilməyən, dünya görüşü olmayan və həqiqətən də monotonluğu ilə seçilən şəxsləri efirə dəvət etməkdən çəkinməliyik. Bu səbəbdən, tamaşaçıların zövqünü nəzərə alaraq, onların evində olmaq üçün daha diqqətli olmalıyıq. İnsanları TikTok, YouTube kimi platformalarda sərbəst buraxa bilərik, amma böyük kütlənin qarşısında yer almağa layiq olmayan şəxsləri efirə dəvət etməməliyik. Bu barədə özümə söz vermişəm və həmkarlarım Zaur Nəbioğlu, Elgiz və digər hörmətli aparıcılar bu məsələyə diqqət yetirəcəklər".
Aysel
